ՏԵՍԱՆՅՈՒԹ. Ո՛չ, մտավախություն չկա. 102-րդ ռազմաբազան պարտավոր է գործել ՀՀ օրենսդրությամբ. Փաշինյան

ՀՀ վարչապետ Նիկոլ Փաշինյանը հայտարարել է, որ ռուսական ռազմաբազայի կողմից սեփական քաղաքացիների պաշտպանության անվան տակ հնարավոր գործողությունների վերաբերյալ մտավախություն չունի։

Լրագրողների հետ ճեպազրույցի ընթացքում կառավարության ղեկավարը նշեց, որ նման մտավախությունների հիմքեր չկան։ Ըստ նրա՝ անկախ Ռուսաստանում գործող օրենքներից, 102-րդ ռազմաբազան պարտավոր է գործել Հայաստանի Հանրապետության օրենսդրության շրջանակներում և գտնվում է երկրի իրավազորության ներքո։

«Ո՛չ, մտավախություն չկա, որովհետև ռազմաբազան, անկախ նրանից, թե ինչ օրենքներ են գործում Ռուսաստանում, պետք է գործի Հայաստանի օրենսդրության շրջանակում ու Հայաստանի իրավազորության ներքո»,- ասել է Նիկոլ Փաշինյանը։