Սա մի առեղծվածային պատմություն է. Փաշինյան

Սա մի առեղծվածային պատմություն է այն մասին, թե ինչպես Լևոն Տեր-Պետրոսյանը, Ռոբերտ Քոչարյանը և Սերժ Սարգսյանը ուս ուսի տված կանգնեցին և պաշտպանեցին պետությունը մեր իշխանության դեմ։ Այս մասին մայիսի 14-ին Երևանի Աջափնյակ վարչական շրջանում նախընտրական քարոզարշավի ժամանակ հայտարարել է արձակուրդում գտնվող վարչապետ Նիկոլ Փաշինյանը:

«Սա է պատճառը, որ Լևոն Տեր-Պետրոսյանի վարկանիշը իջել է մինչև մինուս 25։ Սա է ժողովրդի վերաբերմունքը այս անողնաշարության և անսկզբունքայնության նկատմամբ», - նշել է Փաշինյանը։ Նա հավելել է, որ Վանո Սիրադեղյանի (Հայաստանի նախկին ներքին գործերի նախարար – խմբ.) «շատ կարդացած, բայց քիչ հասկացող» խոսքերը ասված էին Լևոն Տեր-Պետրոսյանի մասին։ 

Նա կրկնել է, որ խաղաղությունը ինստիտուցիոնալացման կարիք ունի, պետք է տեղի ունենա սահմանի դելիմիտացիա, և սահմանները պետք է բացվեն։ «Մենք պետք է խաղաղությունը վերածենք մտածելակերպի։ Խաղաղությունը չպետք է դառնա ռազմական գործողությունների հետաձգում, այլ պետք է դառնա պատերազմի պատճառների բացակայություն», - եզրափակել է Նիկոլ Փաշինյանը։