16:00 Լուրերը մեկ տողով. Ազիզ, էս ընտրությունների հըմար էի ասում. ձայնագրություն, Փաշինյանի հստակ «ոչ»-ը սանկցիաներին

Անցած ժամվա լուրերը՝ հակիրճ և բովանդակային.

·  Հակակոռուպցիոն կոմիտեն հայտարարել է ընտրակաշառքի և ընտրական իրավունքի խոչընդոտման դեպքի բացահայտման մասին։ Ձերբակալվել են մի շարք անձինք, իրականացվել են խուզարկություններ։ 

·  Նիկոլ Փաշինյանը հայտարարել է, որ Հայաստանը չի միանալու արևմտյան սանկցիաներին Ռուսաստանի դեմ և չի անի քայլեր, որոնք կհանգեցնեն սանկցիաների։ Նա նաև վստահեցրել է, որ Երևանը թափանցիկ կերպով ներկայացրել է իր դիրքորոշումը ԵՄ-ին։ 

·  Փաշինյանը արձագանքել է Գագիկ Ծառուկյանի հայտարարություններին՝ նշելով, որ իրավապահ համակարգում քաղաքական կապերով մեծ թվով անձանց առկայությունը նորմալ չէ։ Նա նաև անդրադարձել է Բաքվում պահվող գերիների թեմային՝ ասելով, որ Հայաստանի ներքաղաքական խոսույթը կարող է ազդել գործընթացների վրա։ 

·  Վարչապետի ճեպազրույցի ժամանակ քաղաքացին բարձրացրել է թափառող շների խնդիրը՝ մեղադրելով համայնքապետարաններին անարդյունավետ աշխատանքի մեջ։ Փաշինյանը հանձնարարել է զբաղվել հարցով։ 

·  Սամվել Կարապետյանը հանդիպել է իր համակիրների հետ և քննադատել իշխանությունների շինարարական քաղաքականությունը։ 

·  «Միասնության թևեր» կուսակցությունը հայտարարել է Աշոցքում արդյունաբերական գոտի ստեղծելու ծրագրի մասին՝ շեշտելով ռազմարդյունաբերության և բարձր տեխնոլոգիաների զարգացումը։ 

·  Կառավարությունը փոփոխություններ է կատարել զինվորական ծառայության պիտանիության չափորոշիչներում։ Որոշ առողջական խնդիրներ ունեցող քաղաքացիներ կկարողանան ներգրավվել պայմանագրային ծառայության մեջ։ 

·  ԱՄՆ-ն և Չինաստանը հայտարարել են, որ Իրանը չպետք է միջուկային զենք ստանա։ Կողմերը նաև ընդգծել են Հորմուզի նեղուցի բաց մնալու կարևորությունը էներգակիրների մատակարարման համար։