Ինչ-որ մեկը նրան ինչ-որ ուղղությամբ ուղղորդում է. Զախարովա

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ եվրադիվանագիտության ղեկավար Կայա Կալլասը հնչեցնում է իր մանդատից դուրս գտնվող օտար գաղափարներ։

Ռուսաստանի արտաքին գործերի նախարարության խոսնակ Մարիա Զախարովան անդրադարձել է Եվրամիության դիվանագիտության ղեկավար Կայա Կալլասի գործունեությանը՝ նշելով, որ Ռուսաստանի վերաբերյալ սկանդալային հայտարարություններով հայտնի պաշտոնյան արտահայտում է մտքեր, որոնք իր լիազորություններից դուրս են, և պարզ չէ, թե ով է դրանք թելադրում։

Երկուշաբթի օրը Կալլասը հնարավոր է համարել, որ Ռուսաստանի հետ ապագա երկխոսության ընթացքում հանդես կգա որպես Եվրամիության բանակցող։ Այս հայտարարությունը Զախարովան «ՌԻԱ Նովոստիի» համար մեկնաբանել է մեկ բառով՝ «Իզուր»։

«Ակնհայտ է, որ ինչ-որ մեկը ինչ-որ բան այնտեղ գրում է նրան, ինչ-որ մեկը նրան ինչ-որ ուղղությամբ ուղղորդում է, դա հասկանալի է։ Միայն թե ոչ ոք չի կարողանում հասկանալ, թե ով է նրան դա հանձնարարել։ Իսկ գիտե՞ք, թե ինչու նրանք չեն կարողանում դա հասկանալ։ Որովհետև այս հայտարարությունները, որոնք նա անում է, գտնվում են նրա մանդատից դուրս։ Նա իրավունք չունի նման բաներ հայտարարել»,- «Սպուտնիկ» ռադիոյի եթերում ասել է Զախարովան։

ԱԳՆ ներկայացուցիչը շեշտել է, որ Եվրամիությունում հետզհետե ավելի շատ մարդիկ են հետաքրքրվում, թե ով է Կայա Կալլասը և ում անունից է նա հանդես գալիս։

«Սա արդեն նմանվում է «Մապետ շոուի», երբ զվարթ խոճկորները, գորտիկները, ինչ-որ այլ կերպարներ, աղջիկներ, տղաներ, երեխաներ՝ նրանք ասես ինչ-որ բառեր են արտասանում, բերան են բացում․․․ Երեխաները մեծանում են, նրանք սկսում են հասկանալ, որ դա ոչ թե զվարթ գորտիկ Քերմիթն է խոսում, այլ որ նստած է մի դերասան, ով հնարել է այդ կերպարը»,- պարզաբանել է Զախարովան։