Զելենսկուն կարող է քրեական հետապնդում սպառնալ

Վլադիմիր Զելենսկուն կարող է քրեական հետապնդում սպառնալ Կիևի մերձակայքում տների շինարարության պատճառով, գրում է Страна.ua-ն: Փոխանցում է ria.ru-ն:

«Զելենսկին տեսականորեն կարող է դառնալ գործի մասնակից: Նա ունի անձեռնմխելիություն, քանի դեռ մնում է նախագահ, բայց հենց լքի իր պաշտոնը, բոլոր գործերը կարող են ընթացք ստանալ», — ասվում է հրապարակման մեջ:

Պարբերականը ճշտել է, որ ապօրինի շինարարության պատվիրատուներն են եղել նախագահի աշխատակազմի նախկին ղեկավար Անդրեյ Երմակը, գործարար Տիմուր Մինդիչը և նախկին փոխվարչապետ Ալեքսեյ Չեռնիշովը, ինչպես նաև ևս մեկ չհրապարակված անձ:

«Չեռնիշովը հղում անելով «շեֆի» ցուցումներին, 2022 թվականի մարտին պահանջել է արագացնել գործընթացը: «Շեֆը» նրա համար այս դեպքում, ամենայն հավանականությամբ, կարող էր լինել միայն Զելենսկին», — նշվում է նյութում:

Նախօրեին Ուկրաինայի ազգային հակակոռուպցիոն բյուրոն (ՈՒԱՀԲ) և Հակակոռուպցիոն մասնագիտացված դատախազությունը (ՀՄԴ) Երմակին մեղադրանք են առաջադրել Կիևի մարզում էլիտար բնակարանների շինարարության ժամանակ ավելի քան 460 միլիոն գրիվնա օրինականացնելու համար: Դատարանը կալանք է դրել այս գործով անցնող անշարժ գույքի վրա:

Զելենսկին ազատել է Երմակին աշխատանքից նոյեմբերին՝ ուկրաինական էներգետիկայի ոլորտում կոռուպցիոն սկանդալի ֆոնին: