Երմակը` իր հասցեին հնչեցրած մեղանդրանքների մասին

Անդրեյ Երմակը հերքել է կոռուպցիայի վերաբերյալ իրեն ներկայացված կասկածները: «Ես չունեմ ոչ մի տուն, ունեմ միայն մեկ բնակարան և մեկ ավտոմեքենա, որը դուք տեսել եք», - հայտարարել է Ուկրաինայի նախագահի աշխատակազմի նախկին ղեկավարը «Ուկրաինսկա պրավդա» հրատարակությանը: 

Լրագրողների այն հարցին, թե արդյոք Երմակը հիշատակվում է որևէ մականունով «Ուկրաինայի ազգային հակակոռուպցիոն բյուրոյի ժապավեններում», որոնք հիմք հանդիսացան մի շարք ուկրաինացի պաշտոնյաների ձերբակալությունների և «Մինդիչի գործի» համար, նա պատասխանել է. «Իմ անունը Անդրեյ Երմակ է, ես այլ անուն չունեմ»:

Մեկ օր առաջ Ուկրաինայի հակակոռուպցիոն մարմինները հայտարարել էին, որ բացահայտել են կազմակերպված խումբ, որը «մասնակից է Կիևի մերձակայքում էլիտար շինարարության միջոցով 460 միլիոն գրիվնայի (ավելի քան 8,8 միլիոն եվրո) օրինականացմանը»: Գերատեսչությունները Երմակին նշել են որպես խմբի մասնակիցներից մեկը: