10:00 Լուրերը մեկ տողով. Փաշինյանը զորահանդեսից կադրեր է հրապարակել, 23 փախուստ տնային կալանքից

Անցած ժամվա լուրերը՝ հակիրճ և բովանդակային.

• Հայաստանում մեկ տարում տնային կալանքից 23 փախուստ է արձանագրվել, սակայն իշխանությունները չունեն տվյալներ՝ այդ անձինք հայտնաբերվե՞լ են, թե՞ ոչ։ Քննարկվում է նաև վերահսկողության համակարգի արդյունավետությունը։

• Քաղաքագետ Սուրեն Սարգսյանի խոսքով՝ Հայաստանը ներկայում իրականում չի ձգտում ԵՄ անդամակցության, իսկ թեման ավելի շատ ներքաղաքական ու նախընտրական շահարկումների դաշտում է։

• Նիկոլ Փաշինյանն ու Սուրեն Պապիկյանը շարունակել են հրապարակել մայիսի 28-ի զորահանդեսի նախապատրաստական կադրերը՝ շեշտադրելով հայկական արտադրության ռազմական տեխնիկան։

• Turkish Airlines-ի Ստամբուլ-Նեպալ չվերթի ինքնաթիռի անիվները վայրէջքի ժամանակ բռնկվել են։ Բոլոր ուղևորները տարհանվել են, կան թեթև տուժածներ։

• Հնդկաստանի վարչապետ Նարենդրա Մոդին բնակիչներին կոչ է արել խնայել ռեսուրսները, սահմանափակել ոսկու գնումներն ու վառելիքի սպառումը՝ տնտեսական ճգնաժամի ֆոնին։

• Դոնալդ Թրամփը հայտարարել է, որ ԱՄՆ դաշնային կառույցները պարտադիր պետք է նախապատվություն տան ամերիկյան արտադրանքին և սահմանափակեն արտասահմանյան գնումները։

• Թրամփը նաև առաջարկել է նվազեցնել ԱՄՆ-ում պարտադիր պատվաստումների քանակը՝ հայտարարելով, որ երեխաները չափազանց շատ պատվաստանյութեր են ստանում։