Թրամփի խոստումը Նեթանյահուին

ԱՄՆ նախագահ Դոնալդ Թրամփը Իսրայելի վարչապետ Բենիամին Նեթանյահուին վստահեցրել է, որ Վաշինգտոնը չի ընդառաջի Իրանին հարստացված ուրանի խնդրում։

Իսրայելական կողմը խստորեն վերահսկում է Թեհրանի հետ բանակցությունների վերաբերյալ Թրամփի սպասվելիք որոշումը։ 13-րդ ալիքի փոխանցմամբ՝ վերջին քննարկումների ընթացքում հետախուզության ու բանակի ներկայացուցիչները Նեթանյահուին ներկայացրել են Իրանի նկատմամբ ավելի խիստ մոտեցումներ։

 Իսրայելի պաշտպանության բանակի գնահատմամբ՝ իրանական ռազմական ներուժի ներկա վիճակը «օպերատիվ հնարավորություն» է՝ վերսկսելու հարձակումներն ու «առաքելությունն ավարտին հասցնելու» համար։ 

«Մոսադի» համոզմամբ՝ նոր ռազմական բախումը կարող է արագացնել իրանական վարչակարգի տապալումը։ Հեռուստաալիքի աղբյուրը միաժամանակ հայտնում է, որ Իսրայելի իշխանությունները ձգտում են խուսափել խուճապային տեսքից և տպավորություն չստեղծել, թե ռազմական սրման հասնելու նպատակով ճնշում են գործադրում Վաշինգտոնի վրա։