Պեսկովը մեկնաբանել է Երևանում կայացած Հայաստան-ԵՄ գագաթնաժողովը

Ռուսաստանի Դաշնության նախագահի մամուլի քարտուղար Դմիտրի Պեսկովը հայտարարել է, որ պաշտոնական Երևանն ունի «Հայաստան – ԵՄ» գագաթնաժողովի ձևաչափով հանդիպումներ կազմակերպելու ինքնիշխան իրավունք։

Պավել Զարուբինի հետ զրույցում ՌԴ նախագահի խոսնակը պատասխանել է Երևանում կայացած միջոցառումը գնահատելու հարցին։ Դմիտրի Պեսկովը շեշտել է, որ տեղի ունեցածը ոչ թե պարզապես «հավաք» է, այլ բնական երևույթ հանդիսացող բավականին ներկայացուցչական գագաթնաժողով։

Կրեմլի ներկայացուցիչը նաև նշել է, որ Հայաստանի Հանրապետությունը հավատարիմ է մնում սեփական արտաքին քաղաքականության բազմավեկտորության սկզբունքին։ Ըստ Պեսկովի՝ նմանատիպ գագաթնաժողովներ հրավիրելը, այդ թվում՝ «Հայաստան – Եվրոպական միություն» ձևաչափով հանդիպումների անցկացումը, երկրի բացարձակ ինքնիշխան իրավունքն ու բնական գործընթաց է։