Իրանը հայտարարել է համաշխարհային նոր կարգավիճակի մասին

Իրանի խորհրդարանի փոխխոսնակ Համիդռեզա Հաջի Բաբաեին հայտարարել է, որ երկիրը դարձել է աշխարհի չորրորդ գերտերությունը։

Իրանի խորհրդարանի փոխխոսնակ Համիդռեզա Հաջի Բաբաեին նշել է, որ Իրանը «դարձել է աշխարհի չորրորդ գերտերությունը»։ Նրա խոսքով՝ Հորմուզի նեղուցն այսօր հավերժ պատկանում է Իրանի մեծ ազգին, և որևէ նավ կամ նավթատար չի կարող հատել այն առանց Իրանի թույլտվության։

Միևնույն ժամանակ, Իրանի ԶՈւ խոսնակ Մոհամմադ Ակրամինիան հայտարարել է, որ թշնամուն չի հաջողվել իրագործել իր նպատակներից որևէ մեկը և պատերազմում պարտություն է կրել։ «Ժամանակակից պատերազմները հիմնականում դատվում են նրանով, թե որքանով են նրանք հասել իրենց հայտարարված նպատակներին»,- ասել է Ակրամինիան։ Նա հավելել է, որ քանի որ թշնամին չի կարողացել հասնել իր հայտարարված նպատակներին, այն կրել է վճռական պարտություն և նահանջել։