Գերմանիան մերժել է Պուտինի առաջարկը

Գերմանիայի կառավարությունը հանդես է եկել Ռուսաստանի նախագահի այն գաղափարի դեմ, ըստ որի նախկին կանցլեր Գերհարդ Շրյոդերը կարող էր միջնորդ լինել ՌԴ-ի և ԵՄ-ի բանակցություններում։

Գերմանիայի իշխանությունները գտնում են, որ առաջարկված բանակցային տարբերակը վստահելի չէ։ Ըստ պարբերականի՝ նման դիրքորոշման պատճառն այն է, որ ռուսական կողմը Ուկրաինայի հարցում չի փոփոխել իր նախնական պայմաններն ու մոտեցումները։

Միևնույն ժամանակ, Der Spiegel-ը նշում է, որ Գերմանիայի սոցիալ-դեմոկրատական կուսակցության (ԳՍԴԿ) որոշ անդամներ պատրաստակամություն են հայտնել քննարկել Վլադիմիր Պուտինի առաջարկը։

Ռուսաստանի նախագահը շաբաթ օրը հայտարարել էր, որ ԵՄ-ի և ՌԴ-ի միջև հնարավոր բանակցությունների համար Շրյոդերը նախընտրելի թեկնածու է։