Գագիկ Ծառուկյանը հայտնել է՝ որն է իրենց նպատակը

«Բարգավաճ Հայաստան» կուսակցության ղեկավար Գագիկ Ծառուկյանը սոցիալական ցանցի իր էջում տեղեկացրել է քարոզարշավի մեկնարկի և միասնական թիմով Հայաստանի ողջ տարածքով շրջելու պատրաստակամության մասին։

Քարոզարշավը մեկնարկել է, և քաղաքական ուժը պատրաստվում է հզոր ու միասնական թիմով լինել Հայաստանի բոլոր բնակավայրերում՝ գյուղերից մինչև քաղաքներ։ Նախատեսվում են հանդիպումներ քաղաքացիների հետ՝ ներկայացնելու ծրագրերն ու տեսլականը, որոնք ուղղված են երաշխավորված խաղաղությանը, բարգավաճմանը, ազգային վերածննդին և կայուն զարգացմանը։

Ըստ Գագիկ Ծառուկյանի՝ իրենց նպատակը բարգավաճ Հայաստանի կերտումն է, հուսահատության ու խեղճության հաղթահարումը, ինչպես նաև մարդկանց մեջ ապագայի հանդեպ հավատի վերականգնումը։

Նա նշել է, որ հավատում են միասնական ուժերով ուժեղ, անվտանգ և արժանապատիվ հայրենիք կառուցելու հնարավորությանը, որտեղ ամեն մարդ իրեն կզգա այդ մեծ ընտանիքի կարևոր անդամը։