18:00 Լուրերը մեկ տողով. ԱԹՍ-ների հարձակում Մոսկվայի վրա, քարոզարշավային կրքերը Հայաստանում

Անցած ժամվա լուրերը՝ հակիրճ և բովանդակային.

• Նիկոլ Փաշինյանը և ՔՊ ներկայացուցիչները Սյունիքում շարունակել են քարոզարշավը՝ հայտարարելով, որ առողջության համընդհանուր ապահովագրությունը չի չեղարկվելու։ Փաշինյանը նաև կոշտ արձագանքել է ընտրակաշառքի և քաղաքական մրցակիցների թեմային։

• Ռեֆորմիստների կուսակցությունը ներկայացրել է իր նախընտրական ծրագրի հիմնական կետերը և քայլերթ անցկացրել Երևանում։ 

• Միաժամանակ Ռուբեն Ռուբինյանը անդրադարձել է ընտրակաշառքի հերթական բացահայտմանը։

 • Մոսկվան ենթարկվել է ուկրաինական ԱԹՍ-ների զանգվածային հարձակման, վնասվել է նաև ռուսական նավթավերամշակման գործարաններից մեկը։

 • ԱՄՆ-ում այս շաբաթ կսկսվի ՉԹՕ-ների վերաբերյալ փաստաթղթերի հրապարակումը, որը նախաձեռնել էր Դոնալդ Թրամփը։

 • Ուզբեկստանի նախագահը չի մասնակցի Մոսկվայում կայանալիք մայիսի 9-ի միջոցառումներին, իսկ Կրեմլը ներկայացրել է հրավիրված այլ առաջնորդների ցանկը։

 • Իրանը հայտարարել է, որ իր հրթիռային և ԱԹՍ-ային պաշարներն ավելի մեծ են, քան արևմտյան մամուլում ներկայացված գնահատականները։

 • ՀԴԲ ղեկավարի շուրջ ներքին լարվածություն է աճում․ հաղորդվում է ստի դետեկտորի ստուգումների և կառույցում ճնշումների մասին։