ՏԵՍԱՆՅՈՒԹ. ՔՊ-ի կեղծիքները` փաստերով. Նարեկ Կարապետյան

«Ուժեղ Հայաստան» կուսակցության խորհրդի անդամ Նարեկ Կարապետյանը ֆեյսբուքյան ուղիղ եթերում փաստերով անդրադարձել է իշխող «Քաղաքացիական պայմանագիր» կուսակցության կողմից իրենց քաղաքական ուժի հասցեին հնչող կեղծիքներին։

Նարեկ Կարապետյանը որպես օրինակ է հրապարակել Հանրային հեռուստաընկերության պատրաստած ռեպորտաժը, որը կրել է «Ընդդիմության վարչապետի միասնական թեկնածուն Ռոբերտ Քոչարյանն է» վերնագիրը։ Նշված տեսանյութը ցուցադրվել է Ռուսաստանի դրոշի ներքո՝ Սամվել Կարապետյանի, Ռոբերտ Քոչարյանի և Գագիկ Ծառուկյանի լուսանկարների ուղեկցությամբ։

«Մենք հայտարարել ենք, որ մեր ձայնը և մեր քվեն տալու ենք Սամվել Կարապետյանին: Մյուս ուժերը հայտարարել են, որ իրենց ձայնը տալու են ամենաշատ ձայն հավաքած ուժին, բոլոր հարցումները ցույց են տալիս, որ ամենաշատ ձայն ունեցողը «Ուժեղ Հայաստանն» է, մենք մեր ձայնը տալու ենք միայն Սամվել Կարապետյանին: Այս կեղծիքը տարածում էր Հանրայինը»,- նշել է նա։