ՏԵՍԱՆՅՈՒԹ. Ինձ սեռական հայհոյանք տա՞ն, ես էլ լռեմ, ասեմ՝ դե մենք Նորվեգիա՞ ենք. Ալեն Սիմոնյան

Ես համարում եմ, որ այս փուլում Հայաստանում առկա խոսքի ազատությունը գերդոզավորված է։ Այս մասին լրագրողների հետ զրույցում ասել է Ալեն Սիմոնյանը՝ անդրադառնալով խոսքի ազատության վերաբերյալ միջազգային զեկույցներում Հայաստանի արձանագրած նահանջին՝ 34-րդից 50-րդ տեղ։


«Իմ կարծիքով՝ այս լրատվական դաշտի 90-95% ընդդիմադիր դաշտին է պատկանում, դա ինչի՞ մասին է խոսում։ Այսօր ով՝ ինչ ասելուց առաջ է մտածում, որ իր խոսքը կսահմանափակվի, ով ինչ ասես՝ խոսում է»։ 

Անդրադառնալով լրատվամիջոցներին ու բլոգերներին դատի տալու առումով առաջամարտիկ լինելուն՝ Սիմոնյանն ասաց. «բա ես ինձ ո՞նց պաշտպանեմ, ես ամենաքննարկվող, ամենաակտիվ քաղաքական գործիչներից եմ։ Հիմա ամեն մեկը գա, հեռախոսը միացնի և սեռական վիրավորանք տա, ես էլ ասեմ, դե մենք Նորվեգիա՞ ենք։ Առաջ իր մտքով նույնիսկ չէր անցնի նման բան աներ, առաջ լրագրողի մտքով էլ չէր անցնի հարց տալ, այնքան կծեծեին «պադիեզդում, կամ այնքան կսիլեին Ազգային ժողովի շենքում, ի դեպ, որ այդ մարդիկ ուղղակի կասեն, ի՞նչ գործ ունենք»։