Չինաստանը շրջանցում է ԱՄՆ պատժամիջոցները

Չինական փոքր ընկերությունները, շրջանցելով ԱՄՆ պատժամիջոցները, Իրան և Ռուսաստան են արտահանում անօդաչու թռչող սարքերի երկակի նշանակության դետալներ։

Չինական փոքր ձեռնարկությունները բացահայտորեն մատակարարում են անօդաչու թռչող սարքերի համար նախատեսված բաղադրիչներ, այդ թվում՝ շարժիչներ, մարտկոցներ, չիպեր և օպտիկամանրաթելային մալուխներ դեպի Իրան ու Ռուսաստան։ Այս գործունեությունը հաճախ իրականացվում է՝ հակառակ ԱՄՆ սահմանած պատժամիջոցների։

Xiamen Victory Technology ընկերությունը շուկայում ներկայացրել է գերմանական մշակման L550 շարժիչներ, որոնք առնչվում են իրանական Shahed-136 հարվածային ԱԹՍ-ների հետ։ Վերջիններս կիրառվել են տարածաշրջանային տարբեր հակամարտություններում։

Ըստ ԱՄՆ պաշտոնյաների՝ նմանատիպ առևտրի կանխումը բարդ է, քանի որ անօդաչուների պատրաստման համար օգտագործվում են սովորական կոմերցիոն դետալներ, որոնք հեշտությամբ տեղափոխվում են համաշխարհային մատակարարման շղթաներով։ Չինական բազմաթիվ մատակարարներ փոքր ֆիրմաներ են, որոնք գրեթե չեն զգում ամերիկյան պատժամիջոցների ազդեցությունը և գործում են առավել բացահայտ։