Իսպանիայի վարչապետը ուշացումով ժամանեց Երևան

Իսպանիայի վարչապետ Պեդրո Սանչեսը ժամանեց Երևան՝ մասնակցելու Եվրոպական քաղաքական համայնքի 8-րդ գագաթնաժողովին։

«Արմենպրես»-ի թղթակցի փոխանցմամբ՝ «Զվարթնոց» օդանավակայանում Իսպանիայի վարչապետին դիմավորեց ՀՀ փոխվարչապետ Մհեր Գրիգորյանը։

Սանչեսը Երևան պետք է ժամաներ մայիսի 3-ին, սակայն տեխնիկական խնդիրների պատճառով նրա ինքնաթիռն արտակարգ վայրէջք էր կատարել Թուրքիայի մայրաքաղաք Անկարայում։

Եվրոպական քաղաքական համայնքի 8-րդ գագաթնաժողովը մայիսի 4-ին անցկացվում է Երևանում՝ «Կառուցելով ապագան. միասնություն և կայունություն Եվրոպայում» թեմայով։