«Եվրատեսիլ 2026»-ի Հայաստանի պատվիրակությունը մեկնել է Վիեննա

Հայկական պատվիրակությունն ուղևորվել է Վիեննա՝ մասնակցելու «Եվրատեսիլ-2026» երգի միջազգային մրցույթին։

Հայաստանը մրցույթում ներկայացնող Սիմոնը կատարելու է «Paloma Rumba» ստեղծագործությունը։ Հայաստանի ներկայացուցիչը ելույթ է ունենալու երկրորդ կիսաեզրափակիչ փուլում։ «Եվրատեսիլ»-ի պաշտոնական կայքն արդեն հրապարակել է առաջին և երկրորդ կիսաեզրափակիչների մասնակից պետությունների ցանկը։

Հիշեցնենք, որ «Եվրատեսիլ 2025»-ն անցկացվել էր Շվեյցարիայի Բազել քաղաքում։ Այս տարի մրցույթը տեղի կունենա մայիսի 16-ին՝ Վիեննայում։ «Եվրատեսիլ 2026» 70-րդ հոբելյանական մրցույթին կմասնակցեն Հայաստանն ու ևս 34 երկիր։