Երևան ժամանեց Չեռնոգորիայի նախագահը

Հայաստանի մայրաքաղաք է ժամանել Չեռնոգորիայի նախագահ Յակով Միլատովիչը։

«Զվարթնոց» օդանավակայանում Չեռնոգորիայի նախագահին դիմավորել է ՀՀ Ազգային ժողովի նախագահ Ալեն Սիմոնյանը, ինչպես հայտնում է «Արմենպրես»-ի թղթակիցը։ Յակով Միլատովիչը Երևան է ժամանել՝ մասնակցություն ունենալու Եվրոպական քաղաքական համայնքի 8-րդ գագաթնաժողովին։

Մայիսի 4-ին Երևանում կայանալիք գագաթնաժողովն անցկացվելու է «Կառուցելով ապագան. միասնություն և կայունություն Եվրոպայում» խորագրի ներքո։ Եվրոպական քաղաքական համայնքի անդրանիկ հանդիպումը տեղի է ունեցել 2022 թվականի հոկտեմբերի 6-ին Պրահայում։ Հաջորդիվ միջոցառումը հյուրընկալել են Քիշնևը, Գրանադան, Օքսֆորդշիրը, Բուդապեշտը, Տիրանան և Կոպենհագենը։

 հարթակը մեկտեղում է շուրջ 50 եվրոպական պետությունների առաջնորդների՝ հավասարության սկզբունքով և ընդհանուր նպատակների շուրջ։ Կառույցի նպատակը քաղաքական երկխոսության խթանումն է, ինչպես նաև համագործակցությունը՝ ուղղված մայրցամաքի անվտանգությանը, կայունությանն ու բարգավաճմանը։ Գագաթնաժողովը առաջնորդներին հնարավորություն է տալիս փոխանակել փորձը և զարգացնել գործակցությունը՝ միևնույն ժամանակ չփոխարինելով գործող որևէ այլ կազմակերպության կամ գործընթացի։