Տարօրինակ զանգեր ենք ստանում. Ռոման Երիցյան

«Տարօրինակ զանգեր ենք ստանում թե՛ ես, թե՛ քաղաքացիության ընդունման հարցով նախկինում արցախցիներին աջակցած մեր աշխատակիցները»,- ֆեյսբուքյան իր էջում գրել է փաստաբան Ռոման Երիցյանը:

«Զանգահարողները ներկայանում են որպես արցախցիներ և փորձում են ինչ-որ աջակցություն խնդրել՝ միաժամանակ շեշտելով, թե իրենց ձայնը անպայման տալու են Սամվել Կարապետյանին։ Այո՛, հենց այդպես էլ ասում են։

Հարգելի՛ բանսարկուներ, արցախցու բարբառը նմանակելը այդքան էլ հեշտ գործ չէ։ Մի փորձեք, պարզապես «պալիտ եք լինում»։

Իսկ քաղաքացիություն ընդունած արցախցին իր ընտրությունը կատարելու է գիտակցված ու առանց որևէ նախապայմանների։ Եվ այդ ընտրությունը լինելու է «Ուժեղ Հայաստան» կուսակցության օգտին։ Ինչո՞ւ։  Որովհետև դա ընտրություն է արժանապատվության, անվտանգության և կայուն ապագայի օգտին»,- գրել է փաստաբանը: