12:00 Լուրերը մեկ տողով. Սարիկ Մինասյանը ներողություն է խնդրել, ի՞նչ է կատարվում Իրանի օդանավակայաններում

Անցած ժամվա լուրերը՝ հակիրճ և բովանդակային.


•Գյումրու ավագանու «Քաղաքացիական պայմանագիր» խմբակցության ղեկավար Սարիկ Մինասյան ներողություն է խնդրել քաղաքացիներին հայհոյելու համար՝ դա որակելով որպես տրվել սադրանքներին։

•Երևանի հասարակական տրանսպորտում ուղեվարձի վավերացումների թիվն աճել է շուրջ 30 տոկոսով, ինչի շնորհիվ երկու շաբաթում հավելյալ հավաքագրվել է 235 միլիոն դրամ։

•Նիկոլ Փաշինյանը ներկայացրել է կուսակցության նախընտրական ծրագիրը՝ կարևորելով «3+3» ձևաչափը և Պակիստանի ու Սաուդյան Արաբիայի հետ հարաբերությունների զարգացումը։

•Իլհամ Ալիևը հայտարարել է Ղարաբաղ 80 հազար մարդու վերադարձի և Հայաստանի հետ հաստատված առևտրային ու տարանցիկ կապերի արդյունավետության մասին։

•Իրանի գերագույն առաջնորդ Մոջթաբա Խամենեին թեթև վիրավորում է ստացել իր նստավայրի ուղղությամբ ԱՄՆ-ի և Իսրայելի իրականացրած ավիահարվածների հետևանքով։

•Իրանը պատրաստվում է վերաբացել օդային տարածքը առևտրային չվերթների համար՝ հայտնելով, որ օդանավակայանների ենթակառուցվածքների 95 տոկոսը մնացել է անվնաս։

•Քուվեյթը շարունակում է փակ պահել իր օդային տարածքը ռազմական գործողությունների պատճառով՝ մնալով տարածաշրջանի միակ երկիրը, որը դեռ չի վերացրել սահմանափակումները։