17:00 Լուրերը մեկ տողով. Հայաստանի երկինքը կփակվի, Փաշինյանը կցուցադրի նոր սպառազինություն. ՌԴ-ն փոխհատուցում կվճարի Ադրբեջանին

Անցած ժամվա լուրերը՝ հակիրճ և բովանդակային.


•Մայիսի 3-5-ը Հայաստանի օդային տարածքը կփակվի քաղաքացիական ավիացիայի և անօդաչու սարքերի համար՝ նախատեսված միջազգային խոշոր գագաթնաժողովների անվտանգությունն ապահովելու նպատակով։

•Վարչապետ Նիկոլ Փաշինյանը նախազգուշացրել է, որ Լեռնային Ղարաբաղի քարտեզով ու դրոշով հանդես գալն անխուսափելիորեն կհանգեցնի նոր պատերազմի։

•Մայիսի 28-ին Հանրապետության հրապարակում կցուցադրվի 2022 թվականից հետո ձեռք բերված և տեղական արտադրության նորագույն սպառազինությունը։

•Կառավարության ղեկավարը պատմական ձեռքբերում է համարում այն, որ կենսաթոշակառուների եկամուտն առաջին անգամ գերազանցել է նվազագույն սպառողական զամբյուղը։

•Դոնալդ Թրամփը հայտարարել է, որ Չինաստանի առաջնորդ Սի Ծինփինն իր հետ նամակագրության մեջ հերքել է Իրանին զենք մատակարարելու լուրերը։

•Մոսկվան փոխհատուցում կվճարի Բաքվին 2024-ին ռուսական ՀՕՊ համակարգի կողմից ադրբեջանական ինքնաթիռի «ոչ միտումնավոր» կործանման համար։

•Ազգային ժողովում մեկնարկել է Կառավարության հետ հարցուպատասխանը, որի ընթացքին հետևում է «Ավրորա Նյուզը»։