20:00 Լուրերը մեկ տողով. Ցրտահարության վտանգ, մեղադրյալը հրաժարվել է ցուցմունք տալ, Իսրայել- Լիբանան պատմական հանդիպում

 Անցած ժամվա լուրերը՝ հակիրճ և բովանդակային.

·        Հայաստանի մի շարք մարզերում սպասվում է ջերմաստիճանի անկում և ցրտահարություն, որին կհաջորդի կտրուկ տաքացում։

·        Մանկահասակ երեխա ունեցող Գոհար Ղումաշյանի ձերբակալության դեմ բողոքի ակցիա է իրականացվել Հակակոռուպցիոն կոմիտեի մոտ։

·        Հակակոռուպցիոն կոմիտեն միջնորդելու է դատարանին մեղադրյալ Ղումաշյանի նկատմամբ որպես խափանման միջոց կիրառել տնային կալանքը։

·        Մեղադրյալ Գոհար Ղումաշյանը հրաժարվել է ցուցմունք տալ՝ հայտարարելով, որ կապ չունի առաջադրված մեղադրանքի հետ։

·        Եկեղեցու մոտ տեղի ունեցած միջադեպի գործով անցնող Դավիթ Մինասյանն ազատ է արձակվել կալանքից։

·        Նիկոլ Փաշինյանը Վայոց Ձորի և Արարատի մարզերում ծանոթացել է սուբվենցիոն ծրագրերով կառուցված նոր օբյեկտներին։

·        Վաշինգտոնում մեկնարկել են Իսրայելի և Լիբանանի միջև պատմական առաջին ուղիղ բանակցությունները։

·        «Մոսադի» տնօրենը հայտարարել է, որ իրենց առաքելությունը կավարտվի միայն Իրանում իշխանափոխությունից հետո։

·        Լեհ պատգամավորը սկանդալային ակցիա է իրականացրել՝ Իսրայելի գործողությունները համեմատելով նացիստական Գերմանիայի հետ։

·        ԱՄՆ ռազմածովային ուժերը լայնամասշտաբ գործողությամբ փակել են Իրանի ելքը դեպի բաց ծով։

·        Դոնալդ Թրամփը մեկնաբանել է Վիկտոր Օրբանի պարտությունը և քննադատել Իտալիայի միգրացիոն քաղաքականությունը։

·        Amazon-ը 11.5 միլիարդ դոլարով ձեռք է բերել Globalstar-ը՝ դառնալով Իլոն Մասկի Starlink-ի հիմնական մրցակիցը։