«Օրիոն»-ի ներսից՝ տիեզերքից դեպի Երկիր․ NASA-ն հրապարակել է «Արտեմիս-2»-ի տպավորիչ կադրերը

NASA-ն հրապարակել է «Արտեմիս-2» առաքելության լուսանկարներն ու տեսանյութերը, որոնք նկարահանվել են անմիջապես «Օրիոն» տիեզերանավի ներսից։

Առաքելությունը մեկնարկել է 2026թ․ ապրիլի սկզբին և հանդիսանում է առաջին մարդատար թռիչքը դեպի Լուսին ավելի քան 50 տարվա ընթացքում՝ «Ապոլոն»-ից հետո։ Այն տևելու է մոտ 10 օր, որի ընթացքում «Օրիոն»-ը կշրջանցի Լուսինը և կվերադառնա Երկիր։

Տիեզերագնացների հրապարակած լուսանկարներում երևում է Երկիրը ամբողջությամբ՝ բևեռներից մինչև մայրցամաքներ, նաև հյուսիսային լույսերը։ Այդ կադրերը նկարահանվել են այն պահին, երբ տիեզերանավը արդեն դուրս է եկել Երկրի ուղեծրից և շարժվել է դեպի Լուսին։

Միաժամանակ NASA-ն կազմակերպել է նաև ուղիղ հեռարձակումներ՝ «Օրիոն»-ի ներսից տեսարաններով, ինչը թույլ է տալիս հետևել առաքելությանը իրական ժամանակում։

«Արտեմիս-2»-ը կարևոր փորձնական փուլ է՝ նախատեսված ապագա մարդատար վայրէջքների համար Լուսնի վրա և ավելի հեռանկարային՝ Մարսի հետազոտության ծրագրի համար։