Լուրերը մեկ տողով. Օլիգարխները թույլ են՝ թե՛ մտքով, թե՛ բառապաշարով, ինքնիշխանության կորուստ. վարչապետ

 Անցած ժամվա լուրերը՝ հակիրճ և բովանդակային.

 • Փաշինյանը կառավարության նիստից հետո հայտարարեց, որ Անկախության հռչակագրի և Սահմանադրության հարցերը ՀՀ ներքին օրակարգի մաս են և ուղղված են երկրի միջազգային ճիշտ դիրքավորմանը

 • Վարչապետի գնահատմամբ՝ Անկախության հռչակագիրը «կոնֆլիկտի հռչակագիր» է, որը հանգեցրել է նաև կախվածության
 

• Փաշինյանը քննադատել է ընդդիմությանը՝ նշելով, որ խաղաղության մասին խոսելիս իրականում նրանք ակնարկում են դրա վերանայում, ինչը կարող է բերել պետականության կորուստի վտանգի
 

• Նրա խոսքով՝ նման մոտեցումը կարող է հանգեցնել ոչ միայն տարածքային, այլև ինքնիշխանության կորստի

• Վարչապետը հաստատել է, որ Հայոց ցեղասպանության թանգարան-ինստիտուտի տնօրեն Էդիտա Գզոյանի ազատման որոշումը անձամբ է կայացրել՝ ընդգծելով պաշտոնյաների պատասխանատվությունը
 

• Քուվեյթում անօդաչու թռչող սարքերի հարվածների հետևանքով հրդեհ է բռնկվել Մերձավոր Արևելքի խոշորագույն նավթավերամշակման գործարաններից մեկում՝ Մինա Ալ-Ահմադիում
 

• Նշվում է, որ գործարանը ունի օրական մինչև 730 հազար բարել նավթ մշակելու հզորություն, տուժածներ չեն արձանագրվել
 

• Երկրորդ հարվածը հասցվել է մոտակայքում գտնվող Մինա Աբդուլլահ նավթավերամշակման գործարանին
 

• Հարվածները տեղի են ունեցել Իրանի նախորդ հայտարարությունների ֆոնին, ըստ որոնց՝ Թեհրանը պատրաստվում է թիրախավորել տարածաշրջանի նավթագազային օբյեկտները
 

• Փաշինյանը նաև կոշտ քննադատել է օլիգարխներին՝ կասկածի տակ դնելով նրանց ֆիզիկական և մտավոր կարողությունները
 

• Վարչապետը հայտարարել է, որ պատրաստ է հրապարակային համեմատության՝ նշելով, որ ինքը կարող է 100 կմ հեծանիվ քշել, իսկ նրանց ուժն ու ինտելեկտը պետք է ապացուցվի հանրային ձևով