Լուրերը մեկ տողով. Իրանի հարվածներն Իսրայելին, ԱՄՆ-ի բազաները թիրախում, նավթային տերմինալը՝ կրակի մեջ

Անցած ժամվա լուրերը՝ հակիրճ և բովանդակային.

 • Մերձավոր Արևելքում պատերազմը սրվում է․ Իրանը հարվածներ է փոխանակում ԱՄՆ-ի և Իսրայելի հետ։
 

• ԻՀՊԿ-ն «Ճշմարիտ խոստում-4» գործողության 48-րդ ալիքով հարվածներ է հասցրել Իսրայելի Գոլանի բարձունքներին և Հայֆային։

• Ռուսաստանը զանգվածային հարված է հասցրել Կիևին և մարզին, կան զոհեր։

 • Ուկրաինական ԱԹՍ-ները հարձակվել են Կրասնոդարի երկրամասի «Կովկաս» նավահանգստի և Աֆիպի նավթավերամշակման գործարանի վրա։

 • Երևանի Գոհար Գասպարյան (նախկին Վերին Անտառային) փողոցի բնակիչները բողոքի ակցիա են անցկացնում՝ պահանջելով ճանապարհի վերանորոգում։

 • Բերդ-Ճամբարակ ավտոճանապարհը դժվարանցանելի է կցորդով բեռնատարների համար, մի շարք ճանապարհներին առկա է մերկասառույց։
 

• Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար։

 • ՀԱԿ-ը անցկացնում է 5-րդ համագումարը՝ 2026-ի ընտրություններին մասնակցելու հայտարարությունից հետո։

 • Իրանի նախագահ Պեզեշկիանը մեղադրել է ԱՄՆ-ին և Իսրայելին իսլամական խոշոր երկրների թուլացնելու փորձի մեջ։

 • Իրանի Խաթամ ալ-Անբիա շտաբը սպառնացել է ոչնչացնել ԱՄՆ-ի հետ կապված բոլոր օբյեկտները՝ նավթային ենթակառուցվածքների վրա հարձակման դեպքում։

 • Թրամփը հայտարարել է, որ Իրանի կողմից Իսրայելին սպառնացող վտանգը «վերացված է»։

 • ԱՄՆ-ը հերքել է Իրանի պնդումները «Աբրահամ Լինքոլն» ավիակրի ոչնչացման մասին՝ նշելով, որ այն շարունակում է գործել տարածաշրջանում։

 • Իրանի հրթիռային հարվածը վնասել է Սաուդյան Արաբիայի «Արքայազն Սուլթան» ավիաբազայում ԱՄՆ-ի 5 լիցքավորող ինքնաթիռ։

 • ԱՄԷ-ի Ֆուջեյրա քաղաքում այրվում է նավթային տերմինալ՝ ենթադրաբար իրանական դրոնների հարձակման հետևանքով։

 • Ամերիկյան կործանիչները Թեհրանի Հավարան շրջանում ոչնչացրել են «Բասիջ» անցակետը։

 • ՑԱԽԱԼ-ը հայտարարել է պատերազմի ընթացքում «Հեզբոլլահի» ավելի քան 350 զինյալի և 15 հրամանատարի ոչնչացման մասին։

• Իրանում սպանվել են ևս երկու հոգևորական՝ հայտնում են ընդդիմադիր աղբյուրները։

 • Իսրայելը նախատեսում է ընդլայնել ցամաքային գործողությունը Լիբանանում և հասնել մինչև Լիտանի գետ։

 • Այշա Քադաֆին կոչ է արել Իրանին չզիջել Արևմուտքին՝ հիշեցնելով Լիբիայի փորձը։

 • Թանկարժեք մետաղների գները նվազել են, իսկ նավթի գները՝ աճել։