Լուրերը մեկ տողով. Շոյգուի կոշտ հայտարարությունը. բանակցություններ և բախման վտանգ

Անցած ժամվա լուրերը՝ հակիրճ և բովանդակային:

•Սերգեյ Շոյգուն քննադատել է Փաշինյանի առաջարկը՝ ՌԴ երկաթուղային կոնցեսիան այլ երկրի վաճառելու վերաբերյալ՝ նշելով հնարավոր վտանգները Հայաստանի համար։

•CBS News-ի տվյալներով՝ ԱՄՆ զինված ուժերը պատրաստ են հարվածել Իրանին արդեն այս շաբաթավերջին, սակայն Թրամփը վերջնական որոշում դեռ չի կայացրել։

•Միջազգայնագետ Սուրեն Սարգսյանը հայտարարել է, որ ԱՄՆ-ի՝ Իրանին հարվածելու հավանականությունը պատմական մաքսիմումի վրա է։

•Զելենսկին հայտնել է, որ Ուկրաինայի հարցով հաջորդ խաղաղ բանակցությունները նախատեսվում է անցկացնել Շվեյցարիայում։ Գրեթե համաձայնեցվել է հրադադարի մեխանիզմը, սակայն տարածքների հարցը դեռ բաց է։

•Կիրիլ Դմիտրիևը հայտարարել է, որ ԱՄՆ-Ռուսաստան հնարավոր համատեղ նախագծերի ծավալը կարող է գերազանցել 14 տրիլիոն դոլարը։

•The Wall Street Journal-ի փոխանցմամբ՝ ԱՄՆ-ը դուրս է բերում Սիրիայում մնացած մոտ 1000 ամերիկացի զինվորականներին։

•Սերգեյ Լավրովը նշել է, որ Գազայում հրադադարի խախտումները շարունակվում են՝ չնայած խաղաղության ծրագրին։

•Ուկրաինա այցելած ամերիկացի դեմոկրատ սենատորները կոչ են արել Վաշինգտոնին մեծացնել ճնշումը Ռուսաստանի վրա և կիրառել նոր կոշտ պատժամիջոցներ։