Լուրերը մեկ տողով. լարված դիվանագիտություն և աղմկահարույց իրադարձություններ աշխարհում
Անցած ժամվա լուրերը՝ հակիրճ և բովանդակային:
·Առողջապահության նախարարությունը հայտարարել է, որ շաքարային դիաբետ ունեցող 29-40 տարեկան շահառուները կստանան անվճար գրիչ ներարկիչներ և տարեկան թեստ-երիզներ։
·Հանրապետությունում առաջիկա օրերին սպասվում են տեղումներ, քամու ուժգնացում և ջերմաստիճանի նվազում։
·Ժնևում շարունակվել են ԱՄՆ–Իրան բանակցությունները միջուկային հարցերի շուրջ՝ արձանագրված առաջընթացով։
·Ավարտվել է նաև ՌԴ–ԱՄՆ–Ուկրաինա եռակողմ հանդիպման առաջին փուլը, կողմերը պատրաստվում են նոր քննարկումների։
·Զելենսկին հայտարարել է հնարավոր հանդիպման, հարվածների դադարեցման պատրաստակամության և Patriot համակարգերի արտադրության մերժման մասին:
·Կրեմլը հորդորել է արագ արդյունքների չսպասել։
·ԵՄ-ն նոր ղեկավար է նշանակել Հայաստանում դիտորդական առաքելության համար։
·Ռուսաստան–ՆԱՏՕ լարվածությունը սրվել է հնչած հայտարարություններից հետո:
·Մոսկվայում ընդունվել է կապի սահմանափակման մասին օրինագիծ։
·Հունգարիան մեղադրել է Ուկրաինային գազատարի փակման և ընտրություններին միջամտելու մեջ։
·Մարզաշխարհում ռուս և բելառուս մարզիկներին թույլատրվել է մասնակցել Պարալիմպիկ խաղերին ազգային դրոշներով։
·ԱՄՆ-ում Կոնգրեսի մոտ զինված անձ է ձերբակալվել:
·Նյու Յորքի եկեղեցում պայթյուն է եղել, կան վիրավորներ:
·Երևանում անկել է քաղաքային հայտնի շուն Գերդան։
