Էփշտեյնի գործով ներկայացվել է 305 հայտնի անձանց վերջնական ցուցակը
ԱՄՆ գլխավոր դատախազ Փեմ Բոնդին հայտարարել է, որ Ջեֆրի Էփշտեյնի քրեական գործին առնչվող բոլոր նյութերը ամբողջությամբ հրապարակվել են։ Նրա խոսքով՝ հանրային հասանելի են դարձել միլիոնավոր էլեկտրոնային նամակներ, լուսանկարներ և փաստաթղթեր, որոնք վերաբերում են Էփշտեյնի դեմ հարուցված աղմկահարույց գործին։ Այս մասին տեղեկանում ենք Daily Mail-ից:
Փետրվարի 14-ին Կոնգրես ուղարկված պարտադիր հաշվետվության շրջանակում Արդարադատության նախարարությունը հրապարակել է 305 բարձրաստիճան և հանրահայտ անձանց վերջնական ցուցակ, որոնց անունները առնվազն մեկ անգամ հիշատակվել են գործի նյութերում։
Կարևոր է նշել, որ Էփշտեյնի փաստաթղթերում որևէ անձի անվան հայտնվելը ինքնին չի նշանակում մեղավորություն կամ առնչություն նրա սեռական հանցագործություններին։
Ովքեր են ընդգրկված ցուցակում
Նոր հրապարակված ցանկում ներառված են քաղաքական գործիչներ, շոու-բիզնեսի ներկայացուցիչներ, գործարարներ և հանրային այլ դեմքեր՝ ինչպես կենդանի, այնպես էլ արդեն մահացած անձինք։
Ցուցակում նշված են, մասնավորապես՝ Բեյոնսե, Շեր, Բրյուս Սպրինգստին, Ջեյ Զի, Դոնալդ Թրամփ, Ջեյ Դի Վենս, Միշել Օբամա, Մարկո Ռուբիո, Քլինթոնների ընտանիքի անդամներ, Ռոբերտ Դե Նիրո, Դայանա Ռոս, Մելինդա Գեյթս, Թաքեր Կառլսոն,Մեգան Մարքլ:
Ցանկում նախկինում արդեն հիշատակված անձանց թվում են նաև Գիսլեյն Մաքսվելը և Էնդրյու Մաունթբաթեն-Վինձորը։ Սակայն Բոնդիի ղեկավարությամբ առաջին անգամ է հրապարակվում նման ծավալուն և վերջնական համարվող ամբողջական ցուցակ։
Ինչ փաստաթղթեր են հրապարակվել
Նամակում ընդգծվում է, որ «ոչ մի փաստաթուղթ չի պահվել կամ խմբագրվել ամոթի, հեղինակության վնասի կամ քաղաքական զգայունության հիմքով՝ ներառյալ պետական պաշտոնյաների, հանրային դեմքերի կամ օտարերկրյա բարձրաստիճան անձանց պարագայում»։
Ի՞նչ ազդեցություն կարող է ունենալ հրապարակումը
Թեև ցուցակում ընդգրկված լինելը չի ենթադրում մեղավորություն, փաստաթղթերի ամբողջական հրապարակումը կարող է նոր քննարկումների և քաղաքական արձագանքների ալիք առաջացնել ԱՄՆ-ում և միջազգային հանրությունում։
Հասարակական կարծիքը շարունակում է բևեռացված մնալ․ հարցն այն է՝ արդյո՞ք այս բացահայտումները կփոխեն հանրության վերաբերմունքը որոշ հայտնի անձանց նկատմամբ։
Ավելի վաղ հայտնել էինք Էփշտեյնի գործով հրապարակվել է 300 ականավոր անձանց անուններ․ նրանց թվում է՝ Քիմ Քարդաշյանը: 
