Իմ նպատակն այս իշխանությունից ազատվելն է. Արթուր Վանեցյան

Վստահ եմ, որ, կկարողանանք, վստահ եմ, որ հաջողելու ենք, բայց շատ կարևոր է ընդդիմադիր հիմնական ուժերի ճիշտ համագործակցությունը։ Եթե չլինի այդ համագործակցությունը, եթե բոլորը միայն իրենց շահով ու իրենց ամբիցիաներով առաջնորդվեն, որևէ օգուտ չենք ունենալու։ Բայց վստահ եմ, որ այդպես չի լինի, ու նաև գիտեմ, որ ընդդիմադիր հիմնական խաղացողները գոնե այս փուլում շատ միասնական են, աշխատում են մի նպատակի համար։ Այս մասին «Հրապարակ»-ի հետ հարցազրույցում հայտարարել է «Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանը՝ անդրադառնալով խորհրդարանական ընտրություններում ընդդիմության հաղթելու շանսերին։

Նրա խոսքով՝ «Հայրենիք» կուսակցությունը և ինքը մասնակցում են ընտրություններին՝ Նիկոլ Փաշինյանին և ՔՊ-ին իշխանությունից հեռացնելու համար։

«Իմ նպատակը պատգամավոր դառնալը չէ, իմ նպատակն ԱԺ-ում խմբակցություն ունենալը չէ, իմ նպատակն այս իշխանությունից ազատվելն է, և ես ամեն ինչ անելու եմ, որ մենք դրան հասնենք»,- նշել է նա։