Իրանցի պաշտոնյաները զրկեցին ԱՄՆ-ում բնակվելու իրավունքից․ Մայք Ուոլց
Ամերիկայի Միացյալ Նահանգները զրկում է Իրանի բարձրաստիճան պաշտոնյաներին և նրանց ընտանիքի անդամներին Միացյալ Նահանգներում բնակվելու իրավունքից։ Այդ մասին հայտարարել է ՄԱԿ-ում ԱՄՆ-ի մշտական ներկայացուցիչը՝ Մայք Ուոլցը։
«Իրանի բարձրաստիճան պաշտոնյաների ընտանիքներն ԱՄՆ-ում ապրում են շքեղության մեջ, մինչդեռ նրանց ժողովուրդը ենթարկվում է զանգվածային սպանությունների։ Բայց դա հիմա ավարտվեց»,- գրել է Ուոլցը X սոցիալական ցանցում:
Հայտարարությունը հնչել է Իրանի նկատմամբ ԱՄՆ ճնշման ուժեղացման և իրանական իշխանությունների ներկայացուցիչների դեմ կիրառվող սահմանափակող միջոցների խստացման պայմաններում։
Նրա պնդմամբ՝ ԱՄՆ իշխանությունները շարունակում են վերանայել իրենց քաղաքականությունը Թեհրանի հետ կապված տարբեր ուղղություններով։
