Էներգետիկ ճգնաժամ Կիևում. 6000 բնակելի շենք մնաց առանց ջեռուցման

Հունվարի 24-ի գիշերը ռուսական զանգվածային հարձակման և հունվարի 9-ին և 20-ին տեղի ունեցած հրետակոծությունից հետո կարևորագույն ենթակառուցվածքների վնասման հետևանքով Կիևում գրեթե 6000 բնակելի շենք մնաց առանց ջեռուցման։ Այս մասին հայտարարել է Կիևի քաղաքապետ Վիտալի Կլիչկոն:

Քաղաքապետը հայտնել է, որ քաղաքում կրկին լայնածավալ ջեռուցման անջատումներ են տեղի ունեցել։ Նրա խոսքով՝ գրեթե 6000 տուն առանց ջեռուցման է։

Ավելին, ջրամատակարարման խնդիրներ են գրանցվել քաղաքի ձախ ափին և մասամբ՝ աջ ափին։

Քաղաքային պաշտոնյաները նշել են, որ կոմունալ ծառայություններն ու էներգետիկ ընկերությունները աշխատում են Կիևի բնակիչների տներում ջեռուցման և ջրի վերականգնման ուղղությամբ։