Թրամփի՝ Գրենլանդիայի վերաբերյալ հայտարարությունները ազդել են ԵՄ-ԱՄՆ առևտրային համաձայնագրի վրա
Գրենլանդիայի վերաբերյալ Թրամփի մեկնաբանությունների պատճառով Եվրոպական խորհրդարանը կասեցնում է ԵՄ-ԱՄՆ առևտրային համաձայնագրի վրա աշխատանքները, որը ստորագրվել էր Շոտլանդիայում 2025 թվականի ամռանը:
«Մեր ինքնիշխանությունն ու տարածքային ամբողջականությունը սպառնալիքի տակ են: Գործել սովորականի պես անհնար է», - սոցիալական ցանցերում գրել է Եվրախորհրդարանի պատգամավոր Բերնդ Լանգեն։
Ինչպես նշում է Reuters-ը, Բրյուսելն այդպիսով բողոքում է Գրենլանդիայի նկատմամբ Թրամփի պահանջների և նրա սպառնալիքների դեմ՝ մաքսատուրքեր սահմանել եվրոպացի դաշնակիցների նկատմամբ, որոնք չեն աջակցում նրա ծրագրին։
