Երևանի մետրոպոլիտենի Բաղրամյան-Բարեկամություն հատվածում գնացքների տեղաշարժը վերականգնվել է
Երևանի մետրոպոլիտենի Բաղրամյան-Բարեկամություն հատվածում գնացքների տեղաշարժը վերականգնվել է մոտ 3 րոպեի ընթացքում։ Այս մասին լրատվամիջոցներին հայտնել է մետրոպոլիտենի մամուլի խոսնակ Աննա Ասլանյանը։
Քիչ առաջ Երևանի մետրոպոլիտենի Բաղրամյան-Բարեկամություն հատվածում դադարեցվել էր գնացքների տեղաշարժը և գնացքը մնացել էր կայարանների միջև։
Նշվում է, որ գնացքների տեղաշարժի ժամանակավոր դադարեցումը պայմանավորված է եղել հոսանքի տատանումով։ Այժմ խնդիրը լուծված է, և մետրոպոլիտենը գործում է բնականոն ռեժիմով։
