Կանադան պատրաստվում է զորքեր ուղարկել Գրենլանդիա
Կանադան մշակել է զորքերի փոքր խումբ Գրենլանդիա ուղարկելու ծրագրեր՝ ՆԱՏՕ-ի դաշնակիցների հետ զորավարժություններին մասնակցելու համար, հունվարի 19-ին հաղորդել է The Globe and Mail-ը՝ հղում անելով կառավարության երկու բարձրաստիճան պաշտոնյաների։
«Կանադայի զինված ուժերը սպասում են վարչապետ Մարկ Քարնիի վերջնական քաղաքական հաստատմանը, նախքան զինվորներին ուղարկելը», - գրել է թերթը։
Ըստ թերթի՝ որոշումը պայմանավորված է ԱՄՆ նախագահ Դոնալդ Թրամփի կողմից դանիական կղզու հասցեին հնչեցրած սպառնալիքներով։ Հաստատման դեպքում կանադական զորքերը կմիանան Գերմանիայի, Մեծ Բրիտանիայի, Ֆրանսիայի, Դանիայի, Նիդեռլանդների, Նորվեգիայի, Շվեդիայի և Ֆինլանդիայի զորքերին, որոնք արդեն ուղևորվում են Գրենլանդիա։
