Դանիան անկարող է վերահսկել և պաշտպանել Գրենլանդիան. Սիտակ տուն
ԱՄՆ նախագահ Դոնալդ Թրամփի ավագ խորհրդական Սթիվեն Միլլերը կասկածի տակ է դրել Կոպենհագենի՝ Գրենլանդիան վերահսկելու իրավունքը։ Նա այս հայտարարությունն արել է FOX News-ի եթերում։
Միլլերը Դանիան բնութագրել է որպես փոքրիկ երկիր՝ համեստ տնտեսությամբ և զինված ուժերով, որը ֆիզիկապես անկարող է վերահսկել և պաշտպանել Գրենլանդիան՝ մի տարածք, որը մայրցամաքային ԱՄՆ-ի մեկ քառորդ չափի է։ «Վերջին 500 տարիների ընթացքում ի հայտ եկած տարածքային վերահսկողության յուրաքանչյուր պատկերացման համաձայն՝ տարածքը վերահսկելու համար դուք պետք է կարողանաք պաշտպանել տարածքը, զարգացնել տարածքը և բնակեցնել այն։ Դանիան ձախողվել է այդ բոլոր խնդիրներում», - ասել է Միլլերը։
«Գրենլանդիան կարևոր է Ամերիկայի ազգային անվտանգության համար։ Բևեռային մրցակցությունը կլինի միջազգային մրցակցության նոր ասպարեզ», - հայտարարել է նա՝ արդարացնելով Վաշինգտոնի՝ Գրենլանդիան գրավելու մտադրությունները։
