Ալի Խամենեին քննադատել է Թրամփին
Իրանի գերագույն առաջնորդ Ալի Խամենեին կրոնական միջոցառման ժամանակ ելույթ է ունեցել և քննադատել է ԱՄՆ նախագահ Դոնալդ Թրամփին. «Մենք պատասխանատու ենք համարում Միացյալ Նահանգների նախագահին զոհերի, մեզ պատճառված վնասի և իրանական ազգի դեմ ուղղված զրպարտության համար»։
Հիշեցնենք՝ ԱՄՆ նախագահ Դոնալդ Թրամփը անուղղակիորեն հաստատել է, որ մտադիր չի հարձակվել Իրանի վրա։ Լրագրողի հարցին, թե արդյոք վերջին օրերին որևէ մեկը համոզե՞լ է իրեն չհարձակվել Իրանի վրա, նա պատասխանեց. «Ոչ ոք ինձ չի համոզել, ես ինքս եմ համոզել»։ Նախագահը նաև կրկնել է իր պնդումը, որ Իրանը վերացրել է զանգվածային մահապատիժները՝ ընդգծելով, որ «սա մեծ տարբերություն է ստեղծել»։
