Թրամփը սպառնացել է Գրենլանդիայի վարչապետին

Գրենլանդիայի վարչապետ Յենս-Ֆրեդերիկ Նիլսենը լուրջ խնդիրների է բախվելու այն խոսքերի համար, որոնցում նա նախապատվություն է տալիս կղզու Դանիայի կազմում մնալուն, հայտարարել է ԱՄՆ նախագահ Դոնալդ Թրամփը։ Գրում է «Ռիա նովոստի»-ն։

«Դե, դա նրանց խնդիրն է։ Ես համաձայն չեմ նրա հետ։ Ես չգիտեմ, թե ով է նա։ Ես նրա մասին ոչինչ չգիտեմ, բայց սա մեծ խնդիր կլինի նրա համար», - ասել է նա լրագրողներին, երբ նրան խնդրել են մեկնաբանել քաղաքական գործչի հայտարարությունները։

Հիշեցնենք՝ Յենս-Ֆրեդերիկ Նիլսենը հայտարարել է, որ Գրենլանդիան չի ցանկանում, որ Վաշինգտոնը տիրապետի կամ վերահսկի կղզին։