Հետագայում բաժնեմասերի հարաբերակցությունը փոխվելու է. Արարատ Միրզոյան
TRIPP-ի վերաբերյալ ստորագրված ՀՀ-ԱՄՆ հայտարարության մասին ասուլիսի ժամանակ ԱԳ նախարար Արարատ Միրզոյանը պարզաբանել է մեծ տարածում գտած այն հարցը թե ինչու է TRIPP ընկերության բաժնեմասերի միայն 26 տոկոսը պատկանելու ՀՀ-ին իսկ 74 տոկոսը ԱՄՆ-ին:
Արարատ Միրզոյանը նշել է, որ դա բանակցությունների արդյունք է և դա արտացոլում է երկրների ներդրումները:
«Գաղտնիք չէ, որ Միացյալ Նահանգները մեծ ծավալի ներդրումներ են անում, և ես չեմ խոսում միայն քաղաքական կամիտալի, քաղաքական աջակցության ներդրումների մասին, այլ հենց ֆինանսական ներդրումների: ՀՀ-ն իր կողմից ներդնելու է կառուցապատման իրավունքը, և դա բավականին արդար բաշխում է: Ընդ որում խոսքը առաջիկա 49 տարվա մասին է, հետագայում արդեն երբ պայմանագիրը կներկայացվի ևս 50 տարով, և այդ ժամանակ բաժնեմասերի հարաբերակցությունը փոխվելու է և գրեթե հավասար ենք դառնալու»,- նշել է Միրզոյանը
