Ուկրաինայի Գերագույն ռադան համաձայնեց Զելենսկու առաջարկին՝ ՍԲՈւ ղեկավարը կազատվի
Ուկրաինայի Գերագույն ռադայի համապատասխան հանձնաժողովը երկրորդ փորձով աջակցել է երկրի Անվտանգության ծառայության ղեկավար Վասիլ Մալյուկին պաշտոնից ազատելու առաջարկին։ Այս մասին հայտնել է ուկրաինացի պատգամավոր Յարոսլավ Ժելեզնյակը։
Նրա փոխանցմամբ՝ Ռադայի պաշտպանության և ազգային անվտանգության հարցերով հանձնաժողովը վերանայել է նախորդ որոշումը և այս անգամ դրական եզրակացություն է տվել նախագահի ներկայացրած նախաձեռնությանը։ Համապատասխան տեղեկատվությունը հրապարակվել է Ուկրաինայի Գերագույն ռադայի պատգամավոր Յարոսլավ Ժելեզնյակի Telegram ալիքում։
Հավելենք՝ ավելի վաղ Ուկրաինայի նախագահ Վլադիմիր Զելենսկին Ռադա էր ներկայացրել Մալյուկին պաշտոնից ազատելու վերաբերյալ որոշման նախագիծը, սակայն նույն հանձնաժողովը սկզբում չէր աջակցել այդ առաջարկին։
Նշենք, որ հանձնաժողովը պաշտոնապես հայտնել է՝ նախագահի առաջարկը ստացել է անհրաժեշտ աջակցությունը։ Հաջորդ փուլում հարցը պետք է քննարկվի և քվեարկվի Ուկրաինայի Գերագույն ռադայի լիագումար նիստում։
