Սպասվում է ձնախառն անձրև և անձրև. եղանակը Հայաստանում

Հայաստանի շրջանների մեծ մասում կեսօրից հետո, 13-ի լույս 14-ի գիշերը և առավոտյան սպասվում են տեղումներ։ Այս մասին հայտնում է Հիդրոօդերևութաբանության և մոնիտորինգի կենտրոնը։

«Հունվարի 13-ի ցերեկը նախալեռնային և հովտային գոտիներում տեղումները կլինեն ձնախառն անձրևի և անձրևի, 13-ի երեկոյան ժամերից` ողջ հանրապետությունում ձյան տեսքով։ Հունվարի 13-14-ին առանձին հատվածներում ձյան տեղումները կլինեն զգալի, լեռնային առանձին վայրերում սպասվում է բուք, ցածր հորիզոնական տեսանելիություն»,– ասված է հաղորդագրությունում։

Օդի ջերմաստիճանը հունվարի 14-16-ին աստիճանաբար կնվազի 10-13 աստիճանով։

Այսօր կեսօրին Երևանում սպասվում է ձնախառն անձրև և անձրև, 13-ի երեկոյան, 13-ի լույս 14-ի գիշերը և առավոտյան՝ ձյուն։

Ցերեկային ժամերին մայրաքաղաքում օդի ջերմաստիճանը կտատանվի +5-ից +7-ի, գիշերը` -3-ից -5 աստիճանի սահմաններում։