ՀՀ ֆինանսների նախարարությունը պարզաբանում է տարածել

ՀՀ ֆինանսների նախարարությունը սոցիալական հարթակներում տարածվող և իրականությանը չհամապատասխանող լուրերին ի պատասխան տեղեկացնում է, որ ԱՐՔԱ վճարային համակարգի միջոցով (ԱՐՔԱ քարտերով) անկանխիկ վճարումների իրականացման դեպքում գործող 2 % հետվճարի միջոցառման շրջանակում «Արմենիան Քարդ» ՓԲԸ-ն ՀՀ ֆինանսների նախարարությանը չի փոխանցելու և չի տրամադրելու քաղաքացիների իրականացրած գործարքների վերաբերյալ անձնական տվյալներ կամ բանկային գաղտնիք հանդիսացող որևէ տեղեկություն։

«Խնդրում ենք հետևել բացառապես պաշտոնական աղբյուրների տրամադրած տեղեկատվությանը»,- ասվում է հաղորդագրությունում։