Թրամփը և Մասկը կքննարկեն Իրանում ինտերնետ կապի վերականգնման հարցը
ԱՄՆ նախագահ Դոնալդ Թրամփը հայտարարել է, որ Իլոն Մասկի հետ քննարկելու է Starlink-ի միջոցով Իրանում ինտերնետ կապի վերականգնման հնարավորությունը:
Իրանում ինտերնետի խափանումների մասին հաղորդագրություններ են ստացվել երկրում տեղի ունեցող զանգվածային բողոքի ցույցերի ֆոնին։
«Մենք խոսում ենք այդ մասին, գուցե կարողանանք վերականգնել ինտերնետը, եթե դա հնարավոր է: Մենք կարող ենք խոսել Իլոն Մասկի հետ, քանի որ, ինչպես գիտեք, նա շատ լավ է դրանում: Նա ղեկավարում է հիանալի ընկերություն: Այնպես որ, մենք կարող ենք կապվել Իլոն Մասկի հետ, և ես կզանգահարեմ նրան անմիջապես ձեզ հետ զրույցն ավարտելուց հետո»,- լրագրողների հետ զրույցում ասել է Թրամփը:
