Թրամփն իրեն հռչակել է Վենեսուելայի նախագահի պաշտոնակատար

ԱՄՆ նախագահ Դոնալդ Թրամփը Truth Social սոցիալական ցանցի իր էջում հրապարակել է սքրինշոթ, որում նշված է, թե իբր նա հանդիսանում է Վենեսուելայի նախագահի պաշտոնակատարը։ Սքրինշոթում նշվում է, որ Թրամփը այդ պաշտոնը «ստանձնել է» 2026 թվականի հունվարին։

Հիշեցնենք` հունվարի 3-ին ԱՄՆ-ն ավիահարված է հասցրել Վենեսուելային. պայթյուններ են տեղի ունեցել մայրաքաղաք Կարակասում և Ֆորտ Տիունա ռազմական բազայում: Հարձակումներից հետո ԱՄՆ նախագահ Դոնալդ Թրամփը գործողությունը հաջողված է անվանել և հայտարարել, որ ամերիկյան ուժերը գերի են վերցրել Վենեսուելայի նախագահ Նիկոլաս Մադուրոյին և նրա կնոջը: Սպիտակ տան նախագահը ընդգծել է, որ Մադուրոն «այլևս նախագահ չէ» և որ ԱՄՆ-ն ստանձնում է Վենեսուելայի վերահսկողությունը «մինչև իշխանության անցումը»: