Թրամփը չի քննարկում Իրանում զորքեր տեղակայելու հնարավորությունը. CNN

ԱՄՆ նախագահ Դոնալդ Թրամփը հնարավոր միջամտության շրջանակում չի դիտարկում Իրանում ամերիկյան ռազմական զորախմբի տեղակայման տարբերակը։ Այդ մասին CNN հեռուստաալիքին հայտնել է Սպիտակ տան պաշտոնյան՝ մեկնաբանելով Վաշինգտոնի կողմից քննարկվող քայլերը Իրանում ստեղծված իրավիճակի ֆոնին։

Ավելի վաղ ամերիկյան որոշ պարբերականներ գրել էին, որ նախագահին ներկայացվել են Իրանի դեմ հնարավոր հարվածների տարբեր սցենարներ՝ երկրում ընթացող բողոքի ցույցերի պայմաններում, և Թրամփը լրջորեն քննարկում է ռազմական գործողությունների հավանականությունը։ 

Սպիտակ տան պաշտոնյայի խոսքով՝ նախագահը դիտարկում է այլ միջոցներ, սակայն քննարկվող տարբերակների մեջ ցամաքային զորքերի ուղարկում չի նախատեսվում:

Նախկինում Դոնալդ Թրամփը զգուշացրել էր Իրանի իշխանություններին, որ ցուցարարների սպանելու դեպքում, հետևանքները շատ վատ կլինեն: Նա նաև հայտարարել էր, որ Միացյալ Նահանգները պատրաստ է «օգնել» Իրանին՝ առանց մանրամասնելու հնարավոր քայլերի բնույթը։