ՌԴ ԱԳՆ-ն կոչ է արել միջազգային կազմակերպություններին արձագանքել Կիևի հարձակումներին

Ռուսաստանն ակնկալում է, որ համապատասխան միջազգային կազմակերպությունները անաչառ գնահատական կտան Ուկրաինայի կողմից Ռուսաստանի մի շարք շրջանների դեմ իրականացված հարձակումներին։ Այդ մասին հայտարարել է ՌԴ արտաքին գործերի նախարարության պաշտոնական ներկայացուցիչ Մարիա Զախարովան, գրում է «Ռիա Նովոստի»-ն:

Զախարովայի խոսքով՝ միջազգային կառույցների լռությունը նման միջադեպերի ֆոնին, Մոսկվայի գնահատմամբ, չի նպաստում իրավիճակի օբյեկտիվ վերլուծությանը։ Նա ընդգծել է, որ Ռուսաստանը կարևորում է փաստերի վրա հիմնված և կողմնակալությունից զերծ արձագանքը տեղի ունեցածին։

ՌԴ ԱԳՆ ներկայացուցիչը տեղեկացրել է, որ շաբաթ օրը ուկրաինական անօդաչու թռչող սարքերով հարվածներ է հասցրել  Վորոնեժի, Կուրսկի, Բրյանսկի և Բելգորոդի մարզերը։

Նշվում է, որ հարձակման հետևանքով մեկ քաղաքացի մահացել է վերակենդանացման բաժանմունքում,  երեք մարդ ստացել է տարբեր աստիճանի վնասվածքներ։