Ռուսաստանում Իրանի դեսպանը զգուշացրել է Արևմտյան պետություններին

Արևմտյան պետությունները չպետք է միջամտեն Կասպից ծովի երկրների ներքին և արտաքին քաղաքականության գործընթացներին, ասել է Ռուսաստանում Իրանի դեսպանը:

«Իրանի Իսլամական Հանրապետությունը միշտ ընդգծել է բացառապես հինգ երկրների միջև համագործակցության շրջանակը պահպանելու անհրաժեշտությունը: Թեհրանի մոտեցումը, ինչպես նաև Մոսկվայի մոտեցումը, հիմնված է այն սկզբունքի վրա, որ Կասպից ծովի ռեսուրսների անվտանգությունն ու կառավարումը պետք է իրականացվեն Կասպից ծովի պետությունների կողմից՝ առանց տարածաշրջանային կամ արտաքին ուժերի միջամտության», - ասել է Մոսկվայում Իրանի դեսպան Քազեմ Ջալալին:

Դիվանագետի խոսքով՝ այս մոտեցումը իրականացնելու համար Կասպից ծովի հինգ պետությունները մշակում են համագործակցության մի քանի ոլորտներ: Նա նաև ընդգծել է համագործակցության համար միասնական իրավական շրջանակ ստեղծելու կարևորությունը: