Մոսկվայի Շերեմետևո օդանավակայանում ուղևորները ժամերով սպասում են ուղեբեռին
Մոսկվայի Շերեմետևո օդանավակայանում ժամանած ուղևորները ժամերով չեն կարողանում ստանալ իրենց ուղեբեռը։
Ուղևորներից մեկի խոսքով՝ խնդիրները վերաբերում են ամբողջ լոգիստիկ շղթային՝ սկսած ինքնաթիռից դուրս գալուց մինչև թռիչքուղու մատչելիությունը և ուղեբեռի տրամադրմանը։ Ըստ նրանց՝ իրավիճակը խիստ անհարմար է հատկապես երկար թռիչքներից հետո։
Օդանավակայանի մամուլի ծառայությունը հայտարարել է, որ շարունակում են աշխատել նորմալ ռեժիմով, իսկ առաջացած ուշացումները պայմանավորված են ուժեղ և շարունակական ձյան տեղումներով։ Նշվում է, որ «Ֆրենսիս» ցիկլոնի հետևանքով օդերևութաբանական պայմանները զգալիորեն դանդաղեցրել են օդանավակայանի ծառայությունների աշխատանքը։
Միաժամանակ օդանավակայանը զգուշացրել է, որ անբարենպաստ եղանակի պատճառով հնարավոր է նաև թռիչքների մեկնման ժամերի երկարաձգում, քանի որ անհրաժեշտ են լրացուցիչ նախաթռիչքային ընթացակարգեր։ Շերեմետևոյում ուղեբեռի տրամադրման հետ կապված իրավիճակը վերահսկողության տակ է վերցրել Ռոստրանսնադզորը։
