Ադրբեջանում գերության մեջ գտնվող Վիգեն Էուլջեքջյանը կնոջը դիմել է խնդրանքով

Ադրբեջանում գերության մեջ գտնվող լիբանանահայ Վիգեն Էուլջեքջյանը կնոջը խնդրել է հետաձգել որդու հարսանիքը՝ հույս հայտնելով անձամբ մասնակցելու հնարավորությանը։

Նրա կինը՝ Լինդա Էուլջեքջյանը, հայտնել է, որ ամուսինը նամակում գրել է․ «Մի խնդրանք ունեմ միայն, եթե դժվարություն չկա, մի քիչ ժամանակ տաք ինձ, որպեսզի մեկ հատիկ հարսանիքը ես անեմ»։

Նա տեղեկացրել է նաև, որ Էուլջեքջյանի առողջական վիճակը փոքր-ինչ բարելավվել է Կարմիր խաչի այցերից հետո։

Որդու հարսանիքը նշանակված է երկու ամսից։