Վճռականորեն կրկնում եմ, ոչ մի սլովակ զինվոր չի ուղարկվի Ուկրաինա. Ֆիցո

Սլովակիայի վարչապետ Ռոբերտ Ֆիցոն հայտարարել է, որ քանի դեռ ինքը ղեկավարում է կառավարությունը, ոչ մի սլովակ զինվոր չի ուղարկվի Ուկրաինա։ Այս մասին գրում է «Ռիա Նովոստի»-ն:

«Եթե  մի խումբ երկրներ, օրինակ՝ առանց Իտալիայի, Չեխիայի և այլոց, ցանկացան իրենց զինվորականներին ուղարկել Ուկրաինայի տարածք, Սլովակիան նրանց չի կարող խանգարել։ Այնուամենայնիվ, ես ևս մեկ անգամ և վճռականորեն կրկնում եմ, որ իմ կառավարության պաշտոնավարման ընթացքում ոչ մի սլովակ զինվոր չի ուղարկվի Ուկրաինա»,- ասել է նա:

Ռոբերտ Ֆիցոյի հայտարարությունը հնչել է Ուկրաինայի շուրջ միջազգային քննարկումների ֆոնին, որտեղ առանձին երկրներ դիտարկում են անվտանգության և ռազմական աջակցության տարբեր ձևաչափեր։